සියලු දෙනාට සුබ උදෑසනක්

ලංකාවේ ප්‍රදේශ ගනනාවක ම දැඩි වර්ශාව, විදුලි-අකුනු වගේ ම අන්තර්ජාල සම්බන්ධතා පිලිබඳ බාධා පැවතුනත් සිංහල බ්ලොග් මැරතන් සෑහෙන සාර්ථකත්වයකින් දවසේ දෙවෙනි භාගයට පිවිසිලා ඉන්නවා. තව මත් සමහරුන්ට සම්පූර්න අන්තර්ජාල පහසුකම් නැහැ. ඒත් වැඩේ යනවා. අද දවල් වෙද්දී තවත් වේගවත් වේවි කියලා හිතනවා…..

ඔන්න අමාරුම වෙලාව. ඉතා තදින් නිදිමත එන නිසා මේ වෙලාවටලු සාමාන්‍යයෙං හොරු ගෙවල්වලට පනින්නෙ. ඒ ගැන නං මට ඒ තරං තේරුමක් නෑ. කොහොම වුනත් මැරතන් බලබල දුව දුව ඉන්න අතරේ තදින් ම නිදිමත ආපු වෙලාව දැන් ගතවෙන්නෙ.

ඉතින් විවිධ යෝජනා එනවා නිදිමත අරින්න. මම නම් ඉතින් සීතල වතුරෙන් මූන ඇඟපත හෝදගෙන එනවා සැරින් සැරේ. නමුත් බෝදිනී කියන්නෙ ඔලුවෙන් හිටගෙන ඉඳීම හොඳයි කියලා. ඒකත් කරලා බැලුවා. නරක ම නෑ. දැන් ඔන්න ආයෙත් තේ එකක් වත් කරගත්තා. තේයි සීතල වතුරයි තමයි මට නම් හරියන්නෙ. සමහරු නම් පොල් කිරිත් බීලා කියලයි ආරංචිය :D

මැරතන් එක දැන් ටිකක් හෙමින් පෙරට ඇදෙන්නෙ. සෙමින් නමුත් පෙරට….

ඉතා කෙටි කලක් තුල සිංහල බ්ලොග් අවකාශය පිබිදී ආපු හැටි බලන්න හරි ම රුචිකරයි. ලංකාවේ අනිත් ක්ශේත්‍ර වගේ ම සිංහල භාශා බ්ලොග් අවකාශයත් විවිධත්වයෙන් සරුයි. ඒ වගේම වැදගත් කාරනයක් තමයි ලංකාවේ බ්ලොග්කරනය “ප්‍රධාන ධාරාවක්” බවට පත් වෙන්න නම් ඒක සිංහල හා දෙමල භාශෘ දෙක කරා පැතිරෙන්න ම වෙනවා කියන එක.

ලංකාවේ ම ඉංගිරිසි බ්ලොග් වසර කීපයකට පෙර මේ අවදියේ තිබිය දී දකින්න ලැබුනාට වඩා බෙහෙවින් පුලුල් පරාසයකට සම්බන්ධ බ්ලොග් විශාල සංඛ්‍යාවක් දැනටමත් සිංහලෙන් තියෙනවා. දේශපාලන, සාහිත්‍යකලා, සමාජීය ආදී විවිධ අංශ කරා පැතිර යමින් සිංහල බ්ලොග් වැඩෙනවා… මේක ඉතාම සතුටුදායක තත්වයක්… අනගි තත්වයක්. අද මේ මැරතන් ඉසවුව ඒ බ්ලොග් අවකාශය අපේ රටේ ඉන්න අන්තර්ජාල සැරිසරන්නන්ගේත් බැහැර ඉන්න සිංහල භාශා ලෝලීන්ගේත් අවධෘනයට ලක් කරන්න සමත් වෙනවාට සැකයක් නැහැ.

දැනටත් විශාල සංඛ්‍යාවක් සිංහල භාශා අන්තර්ගතය පල වෙමින් තිබෙනවා බ්ලොග් මැරතන් සින්ඩිකේටරයේ

අනර්ඝයි!

දැන් නම් මහ පාන්දර… 1.45යි. යන්තම් පින්නක් වගේ වැහි ගතියක් මේ පැත්තට නම් තියෙන්නෙ…. පුදුම සීතලක්. ඉතින් උනුසුම් තේ එකක් බොන්න හොඳ වෙලාව….

මැරතන් නරඹන ඔබත් සිංහල බ්ලොග් අඩෙවියක් අරඹන්න කැමැත්තෙන් ඉන්නවා නම් සිංහල බ්ලොග්කරුවන්ගේ සංසදයේ තියෙන පිටු අතර සැරිසැරුවොත් ප්‍රයෝජනවත් ලිපිලේඛන ගනනාවක් ම තියෙනවා.

බ්ලොග් එකක් අරඹන හැටි, සිංහල ස්ථාපනය, යතුරු ලිවීමේ විවිධ ක්‍රම….. සහ තව බොහෝ දේ…

දැන් ම ගිහින් බලන්න