ගිය සතියේ පල වුනු කටුගෙයි කෙරුවාව ගැන ලිපියේ මම මෙහෙම කතාවක් ලිව්වා:
මේ ඉරිදා (මැයි 13) ලක්බිම පත්තරේ 33 වැනි පිටුවේ වරුණ අබේසේකර ලියන ලිපියකින් අමුතු ම පන්නයේ පත්තරයක් අපට අඳුනාගන්න ලැබෙනවා. පත්තරේ නම අනුහස. මොන තරම් අනුහසක් ද කියතොත් දැන් තව්තිසා දිව්‍ය ලෝකයේ වැඩවාසය කරන ධර්මසිරි ගමගේ මහතා සමග පැවැත්වූ සම්මුඛ සාකච්ඡාවක් පල කරන්නත් ඔවුන් සමත් වෙලා තියෙනවා. එතුමන්ගේ දෙව්ලොව විවාහ ජීවිතය ආදිය ගැන පවා විස්තර සඳහන්ලු . ඊට අමතර ව කුමාරතුංග මුනිදාස සූරීන් ඉන්නා ඉසවුවක් පිලිබඳ තොරතුරු ද ඔවුන් අනාවරනය කරන්න සමත් ව ඇති බව ලිපියේ සඳහන් වෙනවා:
“දෙස බස රැස වෙනුවෙන් අගනා සේවයක් කොට අභාවප්‍රාප්ත වූ මුනිදාස කුමාරතුංග ශ්‍රීමතාණෝ මතු බුදුවෙන ආර්ය මෛත්‍රී ලෝක නාථ දෙවියන් යටතේ පවතින දෙස බස රැස සුරකින සුජාත නම් දේවපෙළේ ප්‍රධාන දෙවි ලෙස පහල වී සිටිති.”
වැඩිදුර කියවන්න මේ පිටුවට යන්න. නැත්නම් 13 ඉරිදා ලක්බිම 33 වැනි පිටුව බලන්න. අනුහස් පිරුනු අනුහස පත්තරේ පිටපතක් හොයාගන්න හැකි නම් “ඔරිජිනල්” අනුහස ම විඳින්න තිබුනා.
“මේ චිත්‍ර සම්බන්ධයෙන් ප්‍රශ්න දෙකක් තියෙනවා. ඒවා පිටපත් කරපු කලාකරුවා සම්බන්ධයෙන් තිබුනු ඓතිහාසික වැදගත්කම එකක්. ඔහු මියපරලොව ගිහින් නිසා නැවත ඔහු ලවා චිත්‍ර අන්දන්න අමාරුයි(මේක නාථ දෙවියන් වැනි විකල්ප මාධ්‍ය මගින් පුලුවන් ද බැරිද නොදන්න නිසයි කෙලින් ම බෑ කියල නොලිව්වේ).”අද කාලේ සිද්ද වෙන දේවල් ගැන කල්පනා කරද්දී ඇත්තට ම එහෙම “විකල්ප මාර්ග” පෑදීමේ සම්භාවිතාවක් නැත්තෙ නෑ. ඒත් මේ සතිය තුල ම එවැනි විස්මයජනක ප්‍රාතිහාර්යයක් දැකගන්න ලැබීම වාසනාවක් නේද?
මේ ඉරිදා (මැයි 13) ලක්බිම පත්තරේ 33 වැනි පිටුවේ වරුණ අබේසේකර ලියන ලිපියකින් අමුතු ම පන්නයේ පත්තරයක් අපට අඳුනාගන්න ලැබෙනවා. පත්තරේ නම අනුහස. මොන තරම් අනුහසක් ද කියතොත් දැන් තව්තිසා දිව්‍ය ලෝකයේ වැඩවාසය කරන ධර්මසිරි ගමගේ මහතා සමග පැවැත්වූ සම්මුඛ සාකච්ඡාවක් පල කරන්නත් ඔවුන් සමත් වෙලා තියෙනවා. එතුමන්ගේ දෙව්ලොව විවාහ ජීවිතය ආදිය ගැන පවා විස්තර සඳහන්ලු . ඊට අමතර ව කුමාරතුංග මුනිදාස සූරීන් ඉන්නා ඉසවුවක් පිලිබඳ තොරතුරු ද ඔවුන් අනාවරනය කරන්න සමත් ව ඇති බව ලිපියේ සඳහන් වෙනවා:
“දෙස බස රැස වෙනුවෙන් අගනා සේවයක් කොට අභාවප්‍රාප්ත වූ මුනිදාස කුමාරතුංග ශ්‍රීමතාණෝ මතු බුදුවෙන ආර්ය මෛත්‍රී ලෝක නාථ දෙවියන් යටතේ පවතින දෙස බස රැස සුරකින සුජාත නම් දේවපෙළේ ප්‍රධාන දෙවි ලෙස පහල වී සිටිති.”
වැඩිදුර කියවන්න මේ පිටුවට යන්න. නැත්නම් 13 ඉරිදා ලක්බිම 33 වැනි පිටුව බලන්න. අනුහස් පිරුනු අනුහස පත්තරේ පිටපතක් හොයාගන්න හැකි නම් “ඔරිජිනල්” අනුහස ම විඳින්න තිබුනා.