දැන් රෑ දොලහයි…

නිදිමත යන්න මූන ටිකක් හෝදාගෙන ආවා :D

හොඳ හොඳ සෙල්ලම් එලි වෙන ජාමෙට කියනවනේ… බලමු බලමු

සෙවුම් යන්ත්‍ර වගේ ම බ්ලොග්කරුවන්ට තවත් වැදගත් තැන් දෙකක් තියෙනවා. එකක් Global Voices Online වෙබ් අඩෙවිය.

මෙය ලොව පුරා නානා විධ භාශාවන්ගෙන් පල වන බ්ලොග් නිරීක්ශනය කරන ස්ථානයක්. ටිකක් සැරිසරලා බලන්න.

අනික EFF හෙවත් Electronic Frontier Foundation

බ්ලොග්කරුවන්ගේ අයිතීන් පිලිබඳ ඉතා වැදගත් තොරතුරු සමුදායක් මේ අඩෙවිවල අන්තර්ගතයි.

බ්ලොග් ගැන ආයෙමත්.

බ්ලොග් ලියන අයට වගේ ම ලියන්න අපේක්ශා කරන අයටත් හොඳ දෙයක් තමයි ලෝකයේ සතරදිග්භාගයේ වෙනත් අය ලියන කියන දේ මොන වගේද කියලා නරඹන එක. මේ සඳහා ඉතාම අගේ ඇති තැන් දෙකක් තියෙනවා. එක්කක් ගූගල් බ්ලොග් සෙවුම හෙවත් Google Blog Search. අනික Technorati.com

විවිධ විශයයන් යටතේ, විවිධ තේමා යටතේ, වගේ ම කාලානුක්‍රමික පිලිවෙලට සහ බ්ලොග් අඩෙවිවල අධිකාරයේ (authority) පිලිවෙලටත් මේ අඩෙවිවල සෙවුම් කරන්න පුලුවන්. ඔබත් ගිහින් බලන්න.

මීලඟ සටහනෙන් තවත් විස්තර ලියන්නම්…

මේ දැන් ටිකකට කලින් චාමර කතා කලා දුරකතනයෙන්. තාමත් සමහර ප්‍රදේශවල අන්තර්ජාල සම්බන්ධය හරියට නෑ. ADSL සම්පූර්නයෙන් ඇනහිට තිබෙන නිසා චාමරට තාම මැරතන් සමග එකතු වෙන්න විදිහක් නැතුවයි ඉන්නේ.

සෑහෙන්න ඉවසීම ප්‍රගුන කරන්න වෙනවා ලංකාවේ ජාල සම්බන්ධතා එක්ක වැඩ කරන්න ගියාම. හදිසි අවශ්‍යතා සඳහා ඒ මත රඳා පවතින්න අමාරුයි.

ඇත්තමයි, සීතල වතුර ටිකක් නාගෙන එන්නයි හදන්නෙ. දැන් දුවලා මහන්සියි. මේ සීතල වතුර නෑමට විරුද්ධ අය ඉන්නවා කියලා මම දන්නවා ;-)

අපි නං සීතල වතුර ම තමයි. ඇල් වතුරත් නිවල බොන්නෙ.

ආපහු ඇවිත් දිගට ලියන්නම්….